La Casa Bistro (已結業)

女朋友今日帶我食生日飯, 神神秘秘唔知帶我去邊。最後去左上環食~ 唔太熟上環呢頭, 黎到係一間西式小店。位唔多大家記得book 位。我地坐係一角, 幾舒服。頭盤當然叫左一d小食先啦。蟹肉餅是也~蟹肉餅大大粒非常好, 炸起上黎好香口。而咬落去感覺到一條條既蟹肉, 落足料!之後上既係上湯煮蜆, 有睇開就知女朋友好中意呢味, 無論日本餐廳定西餐廳, 有呢味就會嗌~而呢間西餐廳既煮蜆就充滿法式風味。有麵包伴碟, 我當然唔會放過。而蜆肉洗得乾淨, 非常重要。主菜要上啦～呢味係意式燴牛腩~牛腩燴得好冧, 啖啖肉, 無得頂。同樣配上麵包, 汁都撈埋。因為d餸好好味, 我地中途叫左個薯蓉當飯食, 呢個決定真係一流, 18蚊大大碗。而最後到既忌廉燴雞, 用既係大大舊雞胸肉, 食落好嫩口, 正!再配番兩杯先揸果汁, 無得輸丫。捧住個肚埋單。呢間小店真係令人喜出望外!