麵尊

营业中

休息中

呢間位於上環蘇杭街嘅麵尊, 可算是中上環抵食又多餸嘅車仔麵。每次lunch經過都排長龍, 雖然每次都要等大概二十至三十分鐘, 但中意食車仔麵嘅我都一定耐心地等候。若果單點三四個餸真係四十蚊有找。舖面方面比較細但人流總算快。佢嘅麻辣醬係自家制, 又辣又香口。餸嘅款式都幾多選擇, 基本嘅豬紅, 豬皮, 蘿白, 豬大腸, 魚蛋, 冬菇, 菜, 炸魚皮, 牛栢葉, 魷魚, 酸齋和墨丸等等都應有盡有。强烈推薦湯底: 麻辣加腩汁麻辣超香 但注意都幾辣 唔食得太辣嘅可要求少辣 腩汁夠膿餸方面我就至愛呢間嘅豬紅, 豬大腸, 咖喱魚蛋, 冬菇全部都非常入味!今次麵方面我點了米粉 之前試過油麵同米線都好好味! (本人覺得米線最惹味)經開上環蘇杭街又想食平價好味嘅車仔麵, 就一定要試下!