十和田總本店

营业中

休息中

出尖沙咀睇燈飾打卡，到晚飯時間就去咗附近嘅十禾田，好彩唔洗等，鍾意呢度暖色燈配木質建材，日式風格，坐得舒適，放一個籃係櫈底俾我哋擺隨身物品，好貼心～用手機點餐，叫咗2嗰丼飯，分別係北海道帆立貝松葉蟹丼$168同炙燒魚生飯$138 成碗丼飯都鋪滿蟹肉，蟹肉清甜，帶子都好厚肉，竟然有三大塊，我一次過將蟹肉絲同三文魚子放在帶子上一齊食，每一啖都充滿鮮味，好好食😋😋😋除此之外，醋飯質感同味道我都好啱口味另外，朋友就點咗碗炙燒魚生丼，有好多唔同魚生，有三文魚、吞拿魚、鯛魚、赤海蝦同魷魚，每一樣都好鮮甜，火炙過後有陣燒香味都唔錯，而且份量十足，呢個價錢真係算抵食，我哋都好滿意今次餐飯，下次都會再揀十和田食。