二鍋頭 (嘉芙中心)

营业中

休息中

今日去尖沙咀做運動，做完運動約咗幾個朋友一齊打邊爐，真開心。同朋友食火鍋最好就係約任食，食得更盡情 ，唔使就住就住。去咗二鍋頭，因為價錢幾抵食，週六六點半前入座都係每位188元。雞煲，鴨煲，豬手煲任食， 食完雞煲，鴨煲，就可以自選湯底打邊爐。我哋試咗雞煲，鴨煲，好惹味。湯底選咗藥膳湯，火鍋材料豐富，有紙仔點菜，蔬菜就自己出面攞。打完邊度仲有雪糕雪條任食。火鍋配料中我最鍾意肥牛，任食嚟講非常高質。另外就係海蝦，脆鯇魚腩同鱔片，好新鮮。當中嘅脆鯇魚腩我推介，非常爽脆。