大滿喜日本料理 (已結業)

終於到咗月頭出咗糧，平時做野咁辛苦，呢日同個姐妹決定要放縱一日暴食減下壓！😭 上網check過價錢同食物後就決定食大滿喜。今次我地想平啲就早去食～🤭上到去發現餐廳都有啲裝修，感覺唔錯。我地係優惠時間入座，不過原來都已經幾多人下，幾旺場喎。😯出面有自助區，有飲料同冷盤。除咗一般飲料外，仲有啤酒、梅酒同燒酒。連燒酒都有兩種味幾驚喜。Menu 上既種類都幾多下，由刺身到燒物鍋物都有。朋友唔食刺身，而我係刺身蝦怪，🦐所以每款蝦都叫咗少少黎試！ 啲刺身都好新鮮飽滿。👍🏼個人推介俄羅斯甜蝦，蝦肉爽甜同埋都算大隻，之後仲要多咗兩round。🙈海膽手卷係放題必食！ 佢細細個一舊大家可以容易預份量。食完啲凍食，就到熱食啦～我就要咗牛舌同雞軟骨。啲燒物都燒到好香，時間啱啱好。上面啲調味都無馬虎，夠野味。係menu見到呢個海鮮粥好吸引就叫咗個。呢個粥大家預兩人份量左右。個粥好好食，佢煮到好綿同夠味，粥入面仲有半隻蟹～🦀再食多少少野，最尾到甜品啦！ 佢除咗有韓國雪條外仲有榴蓮雪糕，佢食落幾滑又夠榴蓮味😍😍。Overall，食物都快上枱又夠齊，野飲選擇都多，early bird 優惠場又平幾十，我同個姐妹都好滿