越男仔Express

放假去德福嘅food court食晚飯。搵到間性價比好高嘅越南菜！

✨蔥油香茅豬扒配黃薑飯 $59
黃薑飯軟綿而且香氣十足。份量相當多，有成兩至三碗飯。豬扒肉質軟腍，充滿香茅嘅味道。反而蔥油嘅味道冇平時中式燒味飯嗰啲咁濃。

1

✨皇牌3+2撈檬粉（手撕雞＋豬頸肉絲+脆豬肉+扎肉絲+烤牛肉） $68
配料嘅份量好多！烤牛肉又腍又入味，烤得夠香。手撕雞嘅麻油味好濃郁，估唔到配越南嘢都幾好食。

✨胡志明市紅蕃茄四寶湯檬粉（豬扒＋豬頸肉＋脆豬肉+扎肉）$73
蕃茄湯底好濃郁，酸酸甜甜好開胃。又係料多過粉，性價比好高。脆豬肉本身有烤過嘅香氣，加埋個蕃茄湯超級好食。