蝦匠 (已結業)

放假揸車去左九龍城睇下有咩好食見到呢間專門食蝦 好似幾特別就試下去到可能11點幾仲早 冇咩人不過食食下就開始多人入黎都幾多款揀個麵仲可以自己配搭自己揀湯底 揀餸但太多款揀最多都係跟番指定款唔洗諗！我揀左招牌蝦湯少少辣 好濃蝦味同埋好足料有蝦 扎肉 魚片 豆卜而且每款餸都入晒湯底既味好有驚喜 好好食跟餐叫飲品半價另外叫左花膠雞湯泡飯例牌雞肉好嫩滑湯底好鮮甜 仲有大大舊花膠再叫左款小食 蝦蝦霸霸勁大塊 好彈牙 好有蝦味估唔到呢間小店又幾出色價錢仲幾抵食