御名軒 (已結業)

$48 蒸飯套餐可選一款蒸飯配一款點心。我選了梅菜肉餅蒸飯配燒賣，還有湯送。（肉餅在燒賣下面無影到添）本來以為蒸飯係肉餅同飯一齊蒸，最後原來肉餅係另上既，有少少失望。肉餅口感軟綿綿有少少似糕既感覺，燒賣都係正常味無特別，不過一籠四粒似返酒樓既份量。而個湯就清清地無咩味，有紅蘿蔔粒同粟米粒。整體黎講味道一般，不過勝在有飯有點心有湯感覺上$48好抵食。最後就係提提大家記得要拎豉油，甜豉油撈肉餅飯唔錯的。