影片
相关文章
$48 蒸饭套餐可选一款蒸饭配一款点心。我选了梅菜肉饼蒸饭配烧卖，还有汤送。（肉饼在烧卖下面无影到添）本来以为蒸饭系肉饼同饭一齐蒸，最后原来肉饼系另上既，有少少失望。肉饼口感软绵绵有少少似糕既感觉，烧卖都系正常味无特别，不过一笼四粒似返酒楼既份量。而个汤就清清地无咩味，有红萝卜粒同粟米粒。整体黎讲味道一般，不过胜在有饭有点心有汤感觉上$48好抵食。最后就系提提大家记得要拎豉油，甜豉油捞肉饼饭唔错的。
继续阅读
凤爪＋烧卖 46蚊 伏到呕24蚊凤爪，22蚊烧卖，以为拍得住酒楼，点知同街边点心王卖的质素一样，唔好食。烧卖粉粉地，口感一般，平过酒楼点少少，但质素差，性价比低。凤爪完全出事，难食过酒楼，首先个凤爪好硬身，明显未解冻已放入蒸炉，成碟个酱好水，因为凤爪出水，完全唔入味，凤爪还凤爪，酱料还酱料，完全唔得。24蚊价钱拍得住酒楼，但味道又硬又低劣，唔好食。贪唔加一，想食下点心，但味道太差，同点心王，包点王差唔多质素。
继续阅读
呢个新food court 装修得啲位几好坐，拣极都唔知食咩好，就决定简简单单食个蒸饭。凤爪排骨饭配个烧卖，送左个汤。店员好有礼貌，卖相都唔错，餐具同鼓油要自己拎。凤爪有2只，排骨好多粒，不过食食下发现有几粒系芋头扮系排骨，但都好食既。烧卖几大粒几弹牙，好食过某啲酒楼。个汤好明显系茄膏味，不过都几甜，好过无既。
继续阅读