龍悅 (沙田商業中心商場)

营业中

休息中

陪外國返港嘅朋友玩咗一日，本想到沙田新城市廣場食晚飯，但諗起人多又要排隊又要限時就怕怕，諗住就喺沙田週邊搵食喇。上網搵到火炭呢間酒樓，相信會少人，就駕車前往，可能到嘅時候時間略早，只得幾枱客，雖然有啲心驚驚，怕會中伏，但因為怕咗新城市廣場嘅等位情況，就決定冒險試一試 。由於我們到得早，可以選擇角落的座位，比較舒適寧靜，傾偈都方便啲。餐牌送到嚟，見到有個晚飯推介 --- 絕配孖寶，只收$228，已包括海斑二食和燒雞一隻，三個餸再加一個芥蘭炒牛肉 ，四個人夠哂食。翠玉炒斑球翠玉瓜幾爽脆，斑球算新鲜，份量都好多，顏色和味道都合格。雲耳蒸頭腩斑頭腩都有好多肉，唔會淨係得啲骨，不過如果雲耳嘅份量多啲就更好。秘製燒春雞春雞係炸嘅，但隻雞肉滑皮脆，牛肉炒芥蘭牛肉炒得嫩滑，芥蘭爽脆，味道都唔錯。埋單$410，算好抵。