聚好冰室 (已結業)

上星期六同朋友返大陸， 由於我早到 ， 未夠鐘上車， 於是周圍睇下有啲乜嘢食醫下肚先，喺太子近砵蘭街附近，比我發現呢間聚好冰室， 經過櫥窗發現種類很多，有麵包 、粉麵 、小菜 、煲仔菜、羊腩煲、雞煲等等……由於我只係想醫下肚，唔算太肚餓， 於是揀咗 一碗魚蛋河一杯凍奶茶。講真魚蛋可真係好抵食， 呢個價錢唔好話喺太子， 就算深水埗都未必食到。食魚蛋粉靈魂就喺辣椒油到，估唔到呢度辣椒油都唔錯！唔算太辣，可以帶出魚蛋嘅味道。魚蛋很爽口、細細粒，河粉亦很滑。呢個嘅奶茶係即冲，顏色及味道都唔錯！下次時間充裕，會帶埋朋友試下其他嘅小菜！