Olive Cafe (新領域廣場) (已結業)

有朋友搬咗去愉景新城，今日放工去探望下，佢帶咗我去附近的Olive Cafe 食晚餐，餐廳燈光柔和、座位舒適，又免收+1服務費。多款晚餐選擇，每款晚餐包任食沙律菜、珍珠白飯、餐湯。客人可以在自助區自取。今日餐湯是粟米忌廉湯，湯味香甜濃郁，沙律菜新鮮，可以配不同醬汁各有特色，白飯採用日本珍珠米，飯味香濃軟熟。美國極黑毛豬300g：用熱騰騰的石板盛載上枱，厚切黑毛豬已經煎到差唔多熟，只要將肉切開，在石板上輕輕煎數下就食得，黑毛豬肉味香濃，肉質鮮嫩有汁，點些蒜蓉燒汁令味道提升，十分惹味！雞肉腸拼盤：有健力士啤酒腸兩條、煙肉車打芝士腸一條、特色西班牙腸一條，將腸切開放上熱騰騰的石板上，輕輕煎幾下就好，雞肉腸不同味道各有特色，送啤酒一流！法國可倫堡1664啤酒，啤酒味香濃。