Le Viet (已結業)

旺角雖然多野食，但真係要搵一間坐得舒服且cp值高既餐廳並非咁易，最驚茶餐廳阿姐的黑口黑面，或者一餐飯幾百蚊都未食飽，所以每當我約朋友抓破頭都未想到食咩時，都會想到銀行中心既呢間坐地舒服由平靚正的越南餐廳。最愛這裡抵食又好味，套餐的價錢，散點的質素，飯後仲可以享用甜品，甜點吸引度超高的。套餐送湯，配野飲，抵食！套餐菠蘿飯都係原只菠蘿上，好大份，炒飯夠火候，夠爽，食得超級滿足。豬頸肉撈檬，都係好大份，但豬頸肉烤得麻麻，如果再烤耐少少會好d，加左檬汁，酸酸咪咪好開胃。蔗瑕超大粒，好彈牙，好厚的蝦膠，啖啖滿足。見到蔗蝦咁得，又追加左蝦餅，都係咁好味。點上酸甜醬更惹味。