雅苑座

已经很久没到帝苑了，楼底好高，因为中间系直望酒店多层嘅玻璃天花，其实设计得好好。食物种类一般，但总算不停会refill, 自助餐其实好睇个人，有啲人想食平，靓，正，就要求唔系太高，我就贪心啲钟意每样都试下食下嚟满足自己。食物方面冷盘有大大只有膏的龙虾任食！仲有虾、蚬、青口、蟹、螺。刺身好厚切，无雪味，长脚蟹和虾好鲜味，片皮鸭好正。寿司都有好几款，沙津、芝士应有尽有。热食有片皮鸭、烧牛肉和羊架。烧味饭我就冇试过，印度咖哩麻麻地、蒸鱼都是一般，酥炸蚝还可以，串烧都唔错，最惊喜就系持票先有嘅好长好大条嘅花胶，每位都有一份。甜品就要赞下，甜品好的骰，可以试到唔同款！有出晒名嘅拿破仑、当然不少得蝴蝶酥啦，仲有cheese cake、Tiramisu、桂花糕、黑森林蛋糕、奶冻、芒果西米、最意想不到系即整斑斓味嘅pancake又香亦唔会太甜。餐饮自助取，有罐装汽水、两款果汁、咖啡机和茶。雪糕有Hagen Dazs好几款雪糕口味。环境有驻场歌手表演弹琴、唱歌，亦有互动气氛。服务员很有效率地收碟，觉得服务不错。当晚自助餐全满，可能有公司已book场。食物充足，款式算多而且美味，热食理想，价钱合理，大家有