金禾餐廳 (已結業)

今日好晏起身，擒晚有點肚痾，所以今朝晏了起身，差不多成一點多先起床，洗完臉擦完牙搞呢搞路又兩點了，有點肚餓，都係落去食個茶餐醫肚先！又黎到呢間茶餐廳，今次就食茶餐當下午飯，見佢茶餐除了有三文治果啲小食外，仲有炒飯麵添，我就叫了一個生炒雞絲飯加一杯熱檸水。生炒雞絲飯來到，聞到炒到好香，入面有生菜，火腿，好多雞絲，蛋，其實佢唔係雞絲，係切得比較大件既雞件，冇骨，變相食落啖啖肉，炒得好乾身，唔油，料好足，雖然係下午茶餐，但碟頭唔細，男人食都會好飽肚，飯炒得好香，好有鑊氣，我都不其然咁食晒成碟飯。加埋杯熱檸檬水，咁抵既價錢食到一餐咁豐富既下午茶餐，星期六就係一個好滿足既環境下開始了！