影片
一入到去 餐具有污迹 筷子有咖喱渍 问佢拎只碗仔 又油林林 又有污迹服务态度又差 叫佢比过只筷子 两个员工听到都唔应又唔拎但又唔系忙架㖞 企喺度冇嘢做都见到扮见唔到 叫左一个红汤 一个中汤 味道淡如水椒盐鲜鱿 比平时食开嘅深色 以为香脆啲啦 点知一咬落去 个皮软林林 劲呕心 好似浸过水咁 🤢🤮🤮叫个侍应埋嚟问佢 个椒盐鲜鱿个皮软林林系咪正常架佢话：系正常架 系咁㗎😂😂 我即刻冇嘢好讲到个虾膏蒸腩仔 咸到阿妈都唔认得⋯永世难忘🤣🤣真系请都唔会再食
继续阅读
今晚又冇饭食，返到屋企楼下，谂住买外卖，但谂谂下都系入去食完先返屋企。入到去，侍应推介了好多今日菜色，但都不感兴趣，后来她就推介了一个盐焗鸡熏蹄饭，咁就要呢个啦。饭就要等一阵先有，侍应就俾一碗例汤给我饮住先，碗汤有埋猪骨，虽然冇咩特别，但都叫做有下汤水饮下。碟饭终于等到，盐焗鸡好香，食到一阵阵五香味，鸡又滑，熏蹄有好几旧，唔肥，又爽口，点埋醋就梗好味，碟头又大，都几抵食！有时候一个人食饭都有一个人好，起码清静啲同可以唔使理其他人。
继续阅读
今日好晏起身，擒晚有点肚疴，所以今朝晏了起身，差不多成一点多先起床，洗完脸擦完牙搞呢搞路又两点了，有点肚饿，都系落去食个茶餐医肚先！又黎到呢间茶餐厅，今次就食茶餐当下午饭，见佢茶餐除了有三文治果啲小食外，仲有炒饭面添，我就叫了一个生炒鸡丝饭加一杯热柠水。生炒鸡丝饭来到，闻到炒到好香，入面有生菜，火腿，好多鸡丝，蛋，其实佢唔系鸡丝，系切得比较大件既鸡件，冇骨，变相食落啖啖肉，炒得好干身，唔油，料好足，虽然系下午茶餐，但碟头唔细，男人食都会好饱肚，饭炒得好香，好有镬气，我都不其然咁食晒成碟饭。加埋杯热柠檬水，咁抵既价钱食到一餐咁丰富既下午茶餐，星期六就系一个好满足既环境下开始了！
继续阅读
食物 : 西冷牛扒卖相 : 7/10，一般餐厅卖相，不过不失味道 : 7/10，牛扒质感不错环境 :7.5/10，以屋村餐厅嚟讲算系中上价钱 : hkd 80/ 1人性价比: 7/10，以屋村餐厅一个餐80蚊有啲贵，但因为系香港来说，其实可接受
继续阅读
今日屋企一家出了去饮，我因有事不能出席，是晚唯有一个人去一个屋苑楼下的茶餐厅食个饭，入面环境系一般茶餐厅格局，侍应都算几有礼貎，今晚入面不是太多人，我选了一个卡位坐。侍应行过黎告诉我今日只得是日晚餐，餐牌入面的食物全部都冇，因为有两个师父放左假，所以只可点选晚餐。我唯有点选一个是日晚餐，我见有一个系胡椒猪肚汤配白饭。感觉几吸引就叫了一个。晚餐还跟一个餐饮，我只点选了一杯热柠檬水。胡椒猪肚汤上枱后，已经闻到一阵阵香味，我当然急不及待去饮个胡椒汤先，味道都几浓，有点辣，只系有少少油了点。我用胡椒汤捞落啲饭度，真系几盏鬼。猪肚都算几干净，猪肚好入味，配以酸菜响汤入面，成个人都醒神晒！😀用柠檬水中和返啲胡椒辣味，真系就算一个人食饭都可以系乐事！呢间餐厅我都帮衬过不少，平时只系觉得一般，但今晚的胡椒猪肚汤又真系几好味。值得一赞！茶餐厅我钟意佢够地道，又唔使加一，又唔会太贵，又唔限时，有时候我都情愿去茶餐厅多过去啲贵价食店。
继续阅读