峇里堂

营业中

休息中

喺尖沙咀lunch時間想揾個地方舒舒服服坐低食過飯都唔易🤔好彩諗起之前嚟過峇里堂 裝修夠晒舒服 而且仲好抵食😜人氣越嚟越高兩點左右嚟到 都幾爆場 不過正如頭先所講 呢度嘅座位安排夠寬敞 空間感好充足☺️◽峇里式豬肋骨飯醬汁有少少似沙嗲但係唔辣 加咗少少炸蒜 食落去幾惹味🐷豬肋骨做到好軟好稔 好輕易就骨肉分離 係我最鐘意嘅質感🥰◾印尼咖哩牛筋腩飯印尼咖哩唔會好辣 但係就好香 因為加咗椰奶同薑黃粉🍛同樣地牛腩炆到好稔 牛筋部份當然更加正 而且份量都幾多🤤食咖哩 薯仔一樣係重點💕除此之外 呢度嘅飯都會有埋秋葵同車厘茄 豐富之餘 望落嘅顏色仲好靚🌈◽雙色咖央多士賣相好靚啊😍味道都好唔錯 牛油+蛋味之間滲出淡淡嘅椰漿香味 味道有層次 甜度亦都適中◾榛子鮮奶咖啡◽峇里之天堂茶飲品選擇都幾多 咖啡/花茶/果汁 甚至有得啤啤佢🍺特別一提呢度用嘅係曼特寧咖啡豆 酸味低而醇度高 係印尼特式出產嚟架☕