校長燒肉日韓料理 (觀塘廣場)

营业中

休息中

上星期與幾位朋友到觀塘廣場買野，晚上順道到樓上的校長燒肉食燒肉放題，環境幾舒適，座位亦濶落。刺身有好幾款選擇，質素對得上這個價錢，三文魚幾肥美，肉質軟滑鮮甜。生蝦很爽口，如果有泰式海鮮辣醬更正。整體而言，刺身都算幾新鮮。燒肉種類相當多，豬、牛、羊、雞、魚，各式各樣，燒豬頸肉彈牙爽口，醃得夠入味，加點燒肉醬，好好味。燒秋刀魚她大條，肉質幾結實，微苦帶甘，不錯。雞翼的味道都不只一款，燒肉的種類真係多，質素都唔錯。熟食都有不少，炸榴槤波波好食，熱辣辣，榴槤味幾濃，還有不同的點心、壽司等等。茶葉bar我最喜歡，有各類茶葉，由自己調配濃淡比例，食完燒肉，飲杯超濃的陳皮普洱，一個字‘爽’！火鍋生料都有不少選擇，食些青菜清清腸胃都不錯。自助甜品任君選，食碗冰凍的涼粉紅豆確係唔錯。還有不少款式的奶凍。