Sodam Chicken (已結業)

朋友推薦所以去左試炸雞放題，手機落單有少少麻煩，要隔5分鐘先可以落一轉，等野飲等到有點口渴。野飲買一送一幾抵，蜜桃特飲仲有雪條附送。個人都幾中意蜜桃啤酒，有飲到桃既味同時又有啤酒本身既苦澀味。5個朋友一齊食仲送左個芝士火鍋，配埋炸雞一齊食更加好味😋個人覺得炸雞比焗雞出色，咸蛋黃雞既咸蛋黃味好重好足，如果配埋芝士就有少少奇怪，任食口味中覺得蒜香口味係最好味，首選推薦！其他小食例如pizza就一般般，無咩特別。