爆爆鍋 (已結業)

牛大人開左間副線，台式一人一鍋定食火鍋。比較適合細食嘅朋友😋亦可根據自己喜好隨意加配不同火鍋配料同小吃，性價比高👍🏻午市定食好抵食，最平68蚊有走地雞肉件定食。我地就叫左78蚊嘅穀飼豬梅花肉定食同98蚊嘅美國牛板腱肉定食。定食包左一碟肉、一款湯底、飯或粉、菜盤。肉類望落好新鮮，色澤幾靚，牛板腱幾腍，豬梅花肉唔會有膻味😬湯底有8款，台灣爆炒石頭火鍋就唔洗加錢，其他湯底加12-20蚊。👍🏻大推夜市養生排骨鍋，湯底有少少藥材味，飲落幾甜，似馬來肉骨茶🥰勁好飲🫶🏻🫶🏻烚菜超夾🤘🏻紅燒牛骨鍋個味道就比較濃味，烚肉同丸就連醬都唔洗點。菜盤包左幾款丸同幾款蔬菜，唔夠可以自助區任拎蔬菜！散叫火鍋配料都唔算貴，最抵一定係叫肉，加多份牛板鍵肉都係28蚊，想食好少少加M5和牛只係68😻😻台灣小食都可以散叫，價錢都唔貴，鹽酥雞同炸魷魚好酥脆惹味😝其他火鍋配料仲有手工丸、海鮮等。