影片
更多
2022-06-18
101 浏览
打邊爐真係無分季節，冬天打可以取暖，夏天怕熱嘅咪開冷氣打囉。之前去過一鍋堂另一分店，覺得食物選擇多又高質，今日去左另一間分店再食過。打邊爐嘅湯底真係相當重要，「一鍋堂」有成15款特色湯底，今日就揀左蘿蔔粟米豬骨湯，清清地，無咁容易水腫。湯底好快就送到啦，送黎時散發出陣陣豬骨湯香味，豬骨好大件，相當足料，湯底味道香濃，有陣陣胡椒味。午市有3個餐選擇，我地揀左有牛、羊同豬肉嘅B 餐，可以食足100分鐘，scan QR code就可以揀自己想要嘅配料，肉類分別有：美國安格斯牛肉封門柳牛脷心托美國安格斯精選牛板腱西班牙栗飼豬紐西蘭羊卷肉手作珍寶蝦丸蟹籽蝦膠釀冬菇蟹籽手打蝦滑自家製鮮蝦雲吞手作麻辣豬肉餃鮮鵝腸手打豬肚丸潮州馬鮫魚丸鮮鵝腸除左以上嘅配料之外，仲可以去自助區拎冷盤，醬料，丸類，飲品，蔬菜同熟肉類方面，個人認為牛肉方面，牛板腱嘅牛味相當濃郁，而封門柳肉質就最嫩，至於豬肉，西班牙栗飼豬都唔錯，脂肪分佈平均，肉味香濃，口感好鬆軟，羊肉亦都唔錯。三款手打滑之中，個人最喜歡墨魚滑，入口爽口彈牙，仲食到入面有墨魚粒。蔬菜：菜嘅選擇都好多，講得出嘅都有，好似油麥菜，菜心苗，西洋菜，芥蘭苗，唐生菜，
之前去過一鍋堂另一分店，覺得食物選擇多又高質，今日去左另一間分店再食過。
打邊爐嘅湯底真係相當重要，「一鍋堂」有成15款特色湯底，今日就揀左蘿蔔粟米豬骨湯，清清地，無咁容易水腫。
湯底好快就送到啦，送黎時散發出陣陣豬骨湯香味，豬骨好大件，相當足料，湯底味道香濃，有陣陣胡椒味。
午市有3個餐選擇，我地揀左有牛、羊同豬肉嘅B 餐，可以食足100分鐘，scan QR code就可以揀自己想要嘅配料，肉類分別有：
美國安格斯牛肉
封門柳
牛脷心托
美國安格斯精選牛板腱
西班牙栗飼豬
紐西蘭羊卷肉
手作珍寶蝦丸
蟹籽蝦膠釀冬菇
蟹籽手打蝦滑
自家製鮮蝦雲吞
手作麻辣豬肉餃
鮮鵝腸
手打豬肚丸
潮州馬鮫魚丸
鮮鵝腸
除左以上嘅配料之外，仲可以去自助區拎冷盤，醬料，丸類，飲品，蔬菜同熟肉類方面，個人認為牛肉方面，牛板腱嘅牛味相當濃郁，而封門柳肉質就最嫩，至於豬肉，西班牙栗飼豬都唔錯，脂肪分佈平均，肉味香濃，口感好鬆軟，羊肉亦都唔錯。
三款手打滑之中，個人最喜歡墨魚滑，入口爽口彈牙，仲食到入面有墨魚粒。
蔬菜：
菜嘅選擇都好多，講得出嘅都有，好似油麥菜，菜心苗，西洋菜，芥蘭苗，唐生菜，羽衣甘藍同娃娃菜，不過如果每一份嘅份量少d，又或者黎個雙拼／三拼組合，咁就可以試多幾款啦。
其他配料方面，較為特別嘅有蝦膠釀冬菇，真係唔係好多地方食到，食過之後，都幾想係屋企做呢度菜式呀。至於手打珍寶丸，食落爽口彈牙；雲吞都好大隻，入面仲有原隻鮮蝦架。普通丸類係出去自己拎嘅，最特別嘅係有芫荽燒賣，平時好想試，但驚唔喜歡會浪費食物，今次有機會食完一粒先決定要唔要再添，都算係有驚喜。
熟食選擇都好多，除左有沙律之外，仲有泡椒鳳爪、爽脆醃蘿蔔、麻辣土豆絲等等，不過由於黎呢度係主打火鍋，所以都無機會試到。
甜品方面有我最喜愛嘅軟雪榚，是日味道係牛奶，可惜只有一款，如果有兩款，什至貪心d 有扭紋，一次過滿足晒兩個願望，咁就好啦。
打邊爐無飲品又點可以架，呢度嘅飲品放到好似便利店咁，真係好有型呀，除左有各式各樣嘅汽水同紙包飲品之外，仲有自家製飲品，好似洛神花茶，冰糖燉檸檬，碟豆花茶，薄荷烏龍茶，值得一提嘅係薄荷烏龍茶係無糖架，非常最適合怕肥嘅我，一路打邊爐一路飲，感覺非常清新。
埋單每人都係200蚊左右，咁多野食，都算相當超值。
张贴
