影片
更多
2017-07-22
130 浏览
平時好少入荃灣，難得有個朋友住附近，佢又話聽過呢間野好抵食，所以就嚟左呢度嘞！朋友一早嚟左拎左位，我地一行三人決定揀食火鍋加日本料理，原來呢度嘅價錢分兩類，如果淨係打邊爐就$169，食埋日本野就二百頭，因為我好想食刺身，所以揀左後者！刺身有十零款選擇，我哋叫咗三文魚、甜蝦、帶子等，全部都好新鮮，原本諗住話再encore，點知後尾都係食到勁飽都食唔到第二轉！串燒、天婦羅選擇之多，令我以為自己其實係食緊放題，我最鍾意食日本嘅番薯仔同燒菠蘿，朋友就揀咗雞翼、芝士年糕、炸蝦天婦羅等！番薯仔菠蘿清甜，芝士年糕朋友話好creamy,唯一遺憾係我地三個女仔食量太細，叫唔到好多！回歸正傳，雖然我哋食咗咁多野，但其實打邊爐先系我哋嘅重點，除左有得叫肉類之外，佢出邊仲有三張枱放咗丸類、菜、配料等唔同嘅食物，選擇真系勁多！同埋因為我覺得佢啲枱keep 住有人清潔，所以就算好多人拎野食，都唔會搞到d 枱 好污糟！我哋叫咗兩三碟肉，有美國極上牛肉、豚肉等，全部都系薄切，質素好好唔系頹貨！其實自己拎有一個好處，就系可以控制份量唔駛哂野，好似我想食厨師腸都可以淨係拎一條，不過呢度嘅選擇真係好多，無論係丸、響鈴、芋絲
朋友一早嚟左拎左位，我地一行三人決定揀食火鍋加日本料理，原來呢度嘅價錢分兩類，如果淨係打邊爐就$169，食埋日本野就二百頭，因為我好想食刺身，所以揀左後者！
刺身有十零款選擇，我哋叫咗三文魚、甜蝦、帶子等，全部都好新鮮，原本諗住話再encore，點知後尾都係食到勁飽都食唔到第二轉！串燒、天婦羅選擇之多，令我以為自己其實係食緊放題，我最鍾意食日本嘅番薯仔同燒菠蘿，朋友就揀咗雞翼、芝士年糕、炸蝦天婦羅等！番薯仔菠蘿清甜，芝士年糕朋友話好creamy,唯一遺憾係我地三個女仔食量太細，叫唔到好多！
回歸正傳，雖然我哋食咗咁多野，但其實打邊爐先系我哋嘅重點，除左有得叫肉類之外，佢出邊仲有三張枱放咗丸類、菜、配料等唔同嘅食物，選擇真系勁多！同埋因為我覺得佢啲枱keep 住有人清潔，所以就算好多人拎野食，都唔會搞到d 枱 好污糟！我哋叫咗兩三碟肉，有美國極上牛肉、豚肉等，全部都系薄切，質素好好唔系頹貨！
其實自己拎有一個好處，就系可以控制份量唔駛哂野，好似我想食厨師腸都可以淨係拎一條，不過呢度嘅選擇真係好多，無論係丸、響鈴、芋絲、腸、菇，你諗到嘅都有！飲品同樣好多選擇！
朋友嘅朋友一早已經提醒左我地要留肚食甜品，本身見到張甜品紙已經覺得好吸引，果然無介紹錯！我哋叫完一round 又一round , 女仔果然有兩個胃！首先叫左個宇治抹茶芭菲，個外型勁靚，勁似出面要$40 果d ,真係食兩杯都翻本，榴槤甘露勁足料，原本三個人叫一份後尾再叫多杯，我哋仲叫咗榴槤pancake , 咖啡奶凍同荔枝奶凍，真係叫晒成張紙咁濟！感覺勁極滿足呀！
张贴
