影片
更多
2021-11-16
67 浏览
是日同另一半收左工係深水埗行完黃金商場買遊戲，就搵下附近有乜餐廳醫下肚，係OPENRICE就見到呢間好多LIKE同有茶餐廳同小菜野食，就決定過來睇睇有無位，好彩一到就有四人卡位走，睇左陣就決定叫:-(1) 滋潤燉湯二人套餐包2餸、2湯、白飯 ($168) (a) 燉湯 - 毛桃燉赤肉好滋潤，好清甜，應該用左好多圓肉，另外好多料同瘦肉，又無乜油係面，健康抵飲，7點尾就聽到姐姐話燉湯停，應該都幾受歡迎。(b) 迷你酸菜魚一D都唔迷你，湯底好香夠酸夠麻唔太辣，魚同配料(芽菜，豆卜，酸菜，香茜等)都好多，魚肉肉質幾滑唔腥，另外仲有D寛粉係底，幾高性價比。(c) 蜜汁野菌薯角牛仔骨煲 (+$10)成碟餸好有鑊氣，牛仔骨都幾多同大塊，不過有D肥，瘦少少或用牛肉粒都正，個汁交得好好，有淡淡的蜜糖，配牛仔骨脆口既菌同薯角送飯食一流。(d) 凍檸茶 (+$9)同樽仔奶茶(+$15)凍檸茶交出冰室水吧水準，樽仔奶茶特色在凍左無俾冰沖，淡略嫌偏甜，如果有少甜同無甜就一定更受歡迎。(2) 椒鹽鮮魷拼金磚豆腐 ($88)本來諗住叫個小食，點知一上枱好大碟，椒鹽鮮魷薄粉炸到卜卜脆，金磚豆腐就外脆內滑，不過好熱氣，
(1) 滋潤燉湯二人套餐包2餸、2湯、白飯 ($168)
(a) 燉湯 - 毛桃燉赤肉
好滋潤，好清甜，應該用左好多圓肉，另外好多料同瘦肉，又無乜油係面，健康抵飲，7點尾就聽到姐姐話燉湯停，應該都幾受歡迎。
(b) 迷你酸菜魚
一D都唔迷你，湯底好香夠酸夠麻唔太辣，魚同配料(芽菜，豆卜，酸菜，香茜等)都好多，魚肉肉質幾滑唔腥，另外仲有D寛粉係底，幾高性價比。
(c) 蜜汁野菌薯角牛仔骨煲 (+$10)
成碟餸好有鑊氣，牛仔骨都幾多同大塊，不過有D肥，瘦少少或用牛肉粒都正，個汁交得好好，有淡淡的蜜糖，配牛仔骨脆口既菌同薯角送飯食一流。
(d) 凍檸茶 (+$9)同樽仔奶茶(+$15)
凍檸茶交出冰室水吧水準，樽仔奶茶特色在凍左無俾冰沖，淡略嫌偏甜，如果有少甜同無甜就一定更受歡迎。
(2) 椒鹽鮮魷拼金磚豆腐 ($88)
本來諗住叫個小食，點知一上枱好大碟，椒鹽鮮魷薄粉炸到卜卜脆，金磚豆腐就外脆內滑，不過好熱氣，個人比較喜歡豆腐。
二人餐其實都夠兩個人食，叫多左個椒鹽鮮魷拼金磚豆腐就食到超飽。
呢到位置方便又坐得舒服，有機會會再返來食，下次會叫二人餐同小食 (好似炸脾)。
雪山冰廳
深水埗青山道62D
人均: $100 - $150
抵食: 💰💰💰💰💰
味道: 😋😋😋😋😋
服務: 💁🏻♀️💁🏻♀️💁🏻♀️💁🏻♀️
環境: 😉😉😉😉
张贴
