影片
更多
2023-09-18
37 浏览
趁阿囡仲返緊半日，把握機會接放學一齊撐枱腳，過多個星期又變孤獨老人啦🤣元朗廣場一直係我哋開飯熱點，今次試下新開既「新.麵舍」主打港日Fusion拉麵，在日本拉麵嘅基礎上加入自家研發滙聚港式飲食文化和元素，打造破格的拉麵風味。店舖位於近天橋位置，木系設計融和簡潔文青風格，店內提供6款拉麵，不同食材配搭和湯底，都充滿特色和新鮮感。❤️「很紅」拉麵 - 鴨胸、鴨紅、麻辣醬配豚骨白湯💚「很綠」拉麵 - 芫茜配慢煮雞、豚骨白湯 🤎「很地」拉麵- 火炙叉燒、豬油渣配豚骨白湯 🤍「很膠」拉麵- 慢煮沙薑豬手粒配雞清湯🧡「很濃」拉麵 - 牛肋條、芝士蕃茄吐司配蕃茄清雞湯 🩷「很火」拉麵 - 慢煮雞、赤蓮藕、醬油配雞清湯我選左「很綠」拉麵🍜，芫茜香氣一上枱即飄送而來，絕對滿足到芫茜控🍃。湯底除咗芫茜仲有菠菜及羽衣甘藍，味道清新，元氣滿滿！份量好有保證，大大碗。配料有原塊慢煮雞胸，夠入味又稔滑，真係好健康。仲有脆炸釀豆卜，香口惹味好有誠意。麵條用上幼身的東京拉麵，掛汁力更好，邊吃邊把湯的精華送到口裡。最搞笑加埋半隻皮蛋，芫茜皮蛋湯，係絕配👍阿囡揀左「很地」拉麵🍜，白白的湯底卻內有乾坤，加入豬油渣及香蔥背脂提
店舖位於近天橋位置，木系設計融和簡潔文青風格，店內提供6款拉麵，不同食材配搭和湯底，都充滿特色和新鮮感。
❤️「很紅」拉麵 - 鴨胸、鴨紅、麻辣醬配豚骨白湯
💚「很綠」拉麵 - 芫茜配慢煮雞、豚骨白湯
🤎「很地」拉麵- 火炙叉燒、豬油渣配豚骨白湯
🤍「很膠」拉麵- 慢煮沙薑豬手粒配雞清湯
🧡「很濃」拉麵 - 牛肋條、芝士蕃茄吐司配蕃茄清雞湯
🩷「很火」拉麵 - 慢煮雞、赤蓮藕、醬油配雞清湯
我選左「很綠」拉麵🍜，芫茜香氣一上枱即飄送而來，絕對滿足到芫茜控🍃。湯底除咗芫茜仲有菠菜及羽衣甘藍，味道清新，元氣滿滿！份量好有保證，大大碗。
配料有原塊慢煮雞胸，夠入味又稔滑，真係好健康。仲有脆炸釀豆卜，香口惹味好有誠意。
麵條用上幼身的東京拉麵，掛汁力更好，邊吃邊把湯的精華送到口裡。最搞笑加埋半隻皮蛋，芫茜皮蛋湯，係絕配👍
阿囡揀左「很地」拉麵🍜，白白的湯底卻內有乾坤，加入豬油渣及香蔥背脂提味，難怪味道香濃又帶點懷舊風味。
火炙叉燒經鹽麴、味醂醃製和慢煮，再火炙至微焦，油潤豐腴，肥瘦適中，肉質彈滑，令人回味。
新張期單點拉麵+小食更可以加$1有飲品，當套餐價係抵既。我哋都叫左兩款小食和2杯飲品。
🐔手羽3隻，有原味/麻辛味/燒烤味。我哋要左燒烤味，雞中翼炸得香脆，加上惹味燒烤醬，唔錯。
🥟煎餃子是阿囡喜歡既米網餃子，好有heart。香脆飽滿，加上日本酢更有提味作用，配拉麵好夾。
飲品我就點左懷舊港茶記風味既「話梅雪碧」🥤，阿囡不停追問係咩黎，咪就係一粒話梅放汽水內慢慢滲出鹹味😝，令汽水更有層次感🥤仲有鹹檸檬可樂，都好有回憶🩷
咁食二人都係百零蚊，抵食呀！下次再黎試下其他口味先！
张贴
