重慶洪鼎火鍋 (已結業)

見到重慶洪鼎火鍋有優惠，火鍋鍋底幾平下，或早食完有優惠，二選其一，平時一個鍋底都過百, 於是立即去位置係亞士厘道打邊爐。 店內設計古色古香，兩個人也給了一張四人枱，坐得舒服。waiter招呼殷勤, 貼心奉上小圍裙, 著白色衫食麻辣鍋都唔洗怕 揀選鴛鴦鍋: 麻辣+養顏木耳雞湯底。推介一定要order海鮮set, 包括活魚石蚌刺身,  竹串海蝦, 大大隻漲卜卜貴妃蚌, 鮑魚。上枱時成盤好壯觀 活魚刺身勁鮮味, 點日本豉油及芥辣好match。海蝦爆爽新鮮度極高 啤酒同超市價錢相約，自助調味吧，醬料種類好多包括生熟蒜同香蔥芫荽, 有老干媽醬和日本豉油及wasabi。