通記一品菜館 (已結業)

平時去九龍城大家通常都係會搵泰國嘢食，但其實都有好多港式菜館都值得一試，所以今次就同朋友仔揀左依間「通記一品菜館」，因為見都多人推介佢哋既海鮮二人餐。多人推介係因為每人都只係$250個套餐已經包左一款前菜、一款海鮮、一份湯、兩個小菜同埋芝士焗龍蝦，兩個人食份量相當足夠。小食 - 「鹽水雞腳」：好耐無食鹽水雞腳，依樣係我中菜其中一樣最中意既野食，個汁唔會太咸，雞腳亦都煮得好入味同埋夠淋。海鮮 - 「芝士焗龍蝦」：芝士汁望落已經令人流哂口水，食落芝士汁夠香，但都唔會搶左龍蝦本身既鮮味，龍蝦肉都夠厚身同實。👍🏻海鮮 - 「豉椒炒蟶子」：係鮑魚同蟶子之間掙扎左一陣最後都係揀左蟶子，蟶子夠大隻又洗得乾淨，個豉椒汁送埋飯一流，但如果可以每人都有兩隻蟶子就好啦😆餐湯 1- 「一品海鮮湯」：依個湯個人認為係最有驚喜，湯黎到既時候已經見到非常足料，個湯睇落奶白色，飲落朋友仔同我都覺得個湯加左少少淡奶，另外好重魚湯既味道，所以2個人好快就清左成碗湯。主菜 - 「椒鹽豆腐」：豆腐外層望落同食落都夠脆口，入面就滑嘟嘟🤣椒鹽都唔會落得太過重手，都係值得推介。主菜 - 「枝竹斑腩煲」：依個斑腩煲就同平時食到既差唔