影片
更多
2017-03-13
191 浏览
最近成日見到朋友們係呢間龍蝦專門店到打卡，研究下發現原來呢間Master Kama有兩間分店，分店係銅鑼灣同埋旺角。Master Kama 主打新派西餐，龍蝦菜式最多，其次就係日式小食。呢間分店既裝修以木為主調，環境非常舒適，放工後7點幾黎都仲有位唔洗等，真係好啦。打開餐牌發現的確係有好多用龍蝦為主題既菜，我地叫左一份龍蝦包，鮮茄虎蝦扁意粉同埋京風章魚大阪燒。龍蝦包: 只係賣相已經可以俾滿分佢既龍蝦包，真係非常大個，適合兩個人share食，包裡面夾住好多龍蝦同埋醬，龍蝦肉大隻之餘仲好厚肉，味道亦都好鮮味,個包又烤得外脆內軟，整體配合得非常好。配菜方面有薯條同埋沙律。薯條非常特別，係雙色薯條黎既，換句話講即係除左一般既傳統薯條之外仲有蕃薯條，真係非常欣賞廚師用心設計既餐單。沙律方面，味道非常青甜，本人亦都好鍾意個沙律汁，食完咁大個包同咁多薯條，食返D沙律感覺真係無咁滯。京風章魚大阪燒: 章魚燒個皮脆脆地，鰹魚片份量都好多，鋪面既章魚亦都好咬口，內餡既椰菜都好新鮮，醬汁亦都非常入味，整體味道亦都好好味，唔錯。鮮茄虎蝦扁意粉: 以蕃茄同忌廉造成既醬汁，濃度剛剛好，加埋清爽彈牙既虎蝦，以及稔度
Master Kama 主打新派西餐，龍蝦菜式最多，其次就係日式小食。
呢間分店既裝修以木為主調，環境非常舒適，放工後7點幾黎都仲有位唔洗等，真係好啦。
打開餐牌發現的確係有好多用龍蝦為主題既菜，我地叫左一份龍蝦包，鮮茄虎蝦扁意粉同埋京風章魚大阪燒。
龍蝦包: 只係賣相已經可以俾滿分佢既龍蝦包，真係非常大個，適合兩個人share食，包裡面夾住好多龍蝦同埋醬，龍蝦肉大隻之餘仲好厚肉，味道亦都好鮮味,個包又烤得外脆內軟，整體配合得非常好。配菜方面有薯條同埋沙律。薯條非常特別，係雙色薯條黎既，換句話講即係除左一般既傳統薯條之外仲有蕃薯條，真係非常欣賞廚師用心設計既餐單。沙律方面，味道非常青甜，本人亦都好鍾意個沙律汁，食完咁大個包同咁多薯條，食返D沙律感覺真係無咁滯。
京風章魚大阪燒: 章魚燒個皮脆脆地，鰹魚片份量都好多，鋪面既章魚亦都好咬口，內餡既椰菜都好新鮮，醬汁亦都非常入味，整體味道亦都好好味，唔錯。
鮮茄虎蝦扁意粉: 以蕃茄同忌廉造成既醬汁，濃度剛剛好，加埋清爽彈牙既虎蝦，以及稔度適中既扁意粉，賣相清新之餘味道仲唔錯。總括黎講呢到食物精緻，款式特別，環境又寧靜，非常適合約會同埋鍾意「相機食先」既朋友們呀。
张贴
