岸久巿場 (已結業)

幾個月前食過磯野水產超級滿足，同店員吹水講到同集團仲有間岸久市場，個名太入腦既關係一直記住要黎捧場，今晚終於有機會。特選浜燒盛合 ($268)廣島蠔、魷魚、蝦同蜆全部新鮮爽甜，定價合理。 魷魚簡簡單單用幼鹽調味已經好夠甜，其餘海鮮清酒煮後更引出鮮味，有衝動買佢枝清酒返屋企試下燒。美中不足係全店只有一人主力燒海鮮，多客既時段未必顧到咁多，要自己睇住海鮮有冇煮過火。岸久漁師特選丼 ($168)一見堆到山咁高既丼即時胃口大開，蟹棒同吞拿魚蓉用料毫不手軟，食極都仲有，份量仲多過飯。特選丼有三重食法，除左撈wasabi直接食之外，可以用紫菜包黎食，最後可加入魚湯拌吃。 多種食法係好玩既，但我都係覺得傳統食法最好，魚湯拌飯好易凍哂，反而獨立咁飲就熱辣辣好味，最後我當左佢係例湯咁飲。吉列蟹肉忌廉餅 ($38)夠熱夠脆，蟹味唔濃但薯餅好幼滑。芝士玉子燒 ($48)一切開芝士就流哂出黎，玉子燒亦燒得岩岩好，嫩滑有蛋汁，十分高質。好難飲乳酸梳打 ($78)問左店員係雜果梳打，味道好豐富唔會過甜。 最欣賞係中間放左一大塊疑似菠蘿冰，一路飲一路融化之下，飲到尾都夠味唔會得返冰水咁。 但冇飲管的確係好難飲。幾鐘