影片
更多
2022-09-12
51 浏览
近呢幾年大角咀發展得好快，好多新嘅小店進駐，之前聽朋友講呢間泰嘟嘟好有水準，今次就book咗枱先， 近七點嘅時間已經大概六成滿座。佢哋有唔同嘅二人四人同六人餐，價錢都幾抵架，不過我同朋友想食啲新嘢，所以就散嗌咗啦。每次食泰國嘢，小食拼盤都係我嘅情意結，有啲拼盤可以好貴，呢一度嘅大拼盤都係賣緊$148，有蝦餅，春卷，串燒，雞翼，香葉包雞，魚餅。首先擺盤已經贏晒，好有心機，而且每一樣嘅咋物都係即叫即炸，上菜之後仲感受到個熱力嘅，春卷蝦餅同魚餅都揸得好趣，而且蝦餅好彈口點買甜酸汁食真係一流。雞翼有落去都好多汁，唔會炸得太乾身。馬拉盞炒椰菜苗($68)，好夠鑊氣，而且炒得好香，雖然有大嚿嘅辣椒，但係食落都似係微辣，絕對惹味，令我諗起喺泰國路邊攤式嘅正宗泰國菜！最後呢個重頭戲，要等耐少少嘅，因為係即叫即焗，就係蕉葉烤焗烏頭($108)。本身以為焦味會幾濃，但係上碟嘅時候就唔太聞到，烏頭烤得啱啱好，唔會太乾。最緊要就係魚身上面嘅醬料， 食到入邊有香茅同埋檸檬草，鹹鹹甜甜咁樣好惹味，呢個絕對要一讚，平時喺泰國菜餐廳食嘢都可能係明爐燒烏頭，雖然呢度都有，不過個人覺得呢一道菜比較有特色！泰國奶茶就不過不
佢哋有唔同嘅二人四人同六人餐，價錢都幾抵架，不過我同朋友想食啲新嘢，所以就散嗌咗啦。
每次食泰國嘢，小食拼盤都係我嘅情意結，有啲拼盤可以好貴，呢一度嘅大拼盤都係賣緊$148，有蝦餅，春卷，串燒，雞翼，香葉包雞，魚餅。首先擺盤已經贏晒，好有心機，而且每一樣嘅咋物都係即叫即炸，上菜之後仲感受到個熱力嘅，春卷蝦餅同魚餅都揸得好趣，而且蝦餅好彈口點買甜酸汁食真係一流。雞翼有落去都好多汁，唔會炸得太乾身。
馬拉盞炒椰菜苗($68)，好夠鑊氣，而且炒得好香，雖然有大嚿嘅辣椒，但係食落都似係微辣，絕對惹味，令我諗起喺泰國路邊攤式嘅正宗泰國菜！
最後呢個重頭戲，要等耐少少嘅，因為係即叫即焗，就係蕉葉烤焗烏頭($108)。本身以為焦味會幾濃，但係上碟嘅時候就唔太聞到，烏頭烤得啱啱好，唔會太乾。最緊要就係魚身上面嘅醬料， 食到入邊有香茅同埋檸檬草，鹹鹹甜甜咁樣好惹味，呢個絕對要一讚，平時喺泰國菜餐廳食嘢都可能係明爐燒烏頭，雖然呢度都有，不過個人覺得呢一道菜比較有特色！
泰國奶茶就不過不失，不過唔會太甜，啱晒我啲平時飲茶都要走甜嘅人。
總結：廚師應該係泰國人(?)，職員嘅態度好好，見到我哋有魚骨會俾個碟我哋，而且好快就會碗碟，都好有禮貌。喺度食嘢嘅氣氛好好，絕對會再嚟!☺️
张贴
