四姐川菜

营业中

休息中

四川菜比人既印象以為一定係辣，其實四川菜只係比較濃味為主，我唔係好食得辣，但係就好喜歡味道濃既菜式， “四姐川菜”款式多樣化，甜、酸、辣味樣樣有，啱晒我口味，而且一個價錢已經包曬幾道菜式連白飯茶水，十分抵食。招牌四川涼面涼面加上自家製醬油，味道帶點輕微辣味又帶點甜，加上醬油香味，面條彈牙，十分好味。蒜泥白肉一片片肥瘦剛好，晶瑩剔透既豬肉，放上蒜蓉及辣椒豉油，醬油極道香，配白飯仲更一流。水煮牛肉尼個水煮牛肉偏向麻辣感覺，但唔算好辣，所以尼個辣度唔會蓋過牛肉味，牛肉有咬口，夠彈牙，辣辣地，非常惹味，絕對係四川菜既代表。酸菜魚魚肉新鮮嫩滑，配合酸菜，更加帶出魚肉既鮮甜，酸菜連湯汁加魚片，非常好味，唔食得辣既朋友一定要試。糖醋里脊甜甜酸酸既味道中和返其他辣味既餸菜，里脊肉表面帶脆，裡面肉質夠淋身，食多d都唔會滯。蒜蓉時菜每枱都會送蒜蓉炒菜，食完濃味餸菜，最後離一碟炒清菜，清一清味蕾，非常配合。