十和田總本店

营业中

休息中

十和田，主打新鮮時令魚生。日系裝潢，全店以淺木色為主，讓人感覺和諧舒適。今日揀咗兩款丼飯。火灸左口魚邊丼飯，呢個飯夠曬矜貴，成個飯鋪滿左口魚邊，左口魚火灼後，油份澎湃湧出，珍珠飯盡吸精華，一入口油香馬上佔據整個口腔！同場仲有我最愛嘅海膽，海膽顆粒分明，入口即溶，齒頰留香。火灸魚生飯集齊多款是令魚生，會因應季節轉換款式，確保每次都可以食到合時嘅食材。整個飯之中我就最鍾意牡丹蝦，蝦肉質豐厚，口感嫩滑細緻。帶子爽甜有致, 鮮味非常突出。各款魚生潤澤鮮味，火灸後油脂更加甘香。