星宴中餐廳 (已結業)

網上見到星期六日呢度有早晨點心放題，以W酒店嚟睇，水準應該唔錯，於是嚟試下，星宴係一貫酒店嘅環境，地方比想像中細，近門口有卡位，另外有一間大房，裏面就用圓枱，由於只有個半鐘用餐時間，侍應都好匆忙咁不斷將點心上枱俾客人用，同酒店餐廳慢慢服務客人嘅節奏成巨大反差。點心方面，蟹肉帶子灌湯餃鮮甜好味，花生雞腳嘅雞腳肥美香口，蝦餃嘅餃皮彈牙，蝦肉又爽又鮮味，至於其他點心就中規中矩，不過以呢個環境加上只係＄208一個人，其實食返幾個灌湯餃同幾籠蝦餃，已經回本，不過個半鐘嘅用餐時間就的確太少，如果有兩個鐘就更加好