校長燒肉日韓料理 (觀塘廣場)

营业中

休息中

幾個人聚會最好嘅節目就係乜都有得食嘅放題👅今次就揀咗《校長燒肉日韓料理》，店舖非常大，闊落舒適，好適合一大班人聚會👬👭🥩主打燒肉嘅日韓料理，除咗肉類款式非常多之餘，海鮮種類亦都唔少，最鍾意佢嘅豬頸肉同牛仔骨，油脂豐富，肉唔會韌👍🏻仲有多春魚，燒到兩邊脆脆地，好香口🍲火鍋有幾款湯底可以自己揀，用個鍋自己斟好湯底拎埋位就得，我就揀咗最愛嘅壽喜燒😌淥咩都咁好食除咗肉類，有我最鍾意嘅刺身區😍三文魚、赤貝、墨魚、八爪等…每樣都新鮮，另外仲有壽司、點心、炸物、甜品🍮飲品等等..食物種類真係超級多，而且價錢又唔貴，好抵食！