影片
更多
2021-10-09
86 浏览
🍽日本野 @nihon.ryori.restaurant 之前食過佢哋嘅姊妹餐廳 @minifridayhk 已經好幾次，次次經過見到隔離嘅呢間日本野都好想試吓，今日終於有機會!🤍日式照燒雞扒定食（$128）次次食呢啲定食嘅時候都好怕唔夠餸飯，不過今次呢塊雞扒又算幾大塊，而且亦都燒得幾入味，最欣賞嘅係佢哋嘅燒汁係可以自己落，可以根據個人喜好落返適合自己份量嘅燒汁，同時又可以確保食嘅時候雞扒上面嘅燒汁唔會已經流晒落啲飯到🤍和風雜海鮮炒烏冬（$158）呢個烏冬炒得好香，唔算乾身，有啲汁係底，所以味道絕對足夠。海鮮嘅份量亦都適中，有蝦、魷魚、蜆肉等等，同時佢都有適量嘅菜同瓜，材料十分豐富🤍玉子壽司（$18）🤍蟹棒壽司（$18）對於唔太想食生冷嘢，但係又嚟到日本餐廳想點都試啲日本嘢嘅我哋，就嗌咗呢兩款壽司，蟹棒同玉子嘅大小適中，而且味道亦不過不失🤍心太軟雪糕（$68）平時通常食心太軟雪糕都係配雲呢拿，今次係配朱古力雪糕覺得有少少特別，不過食落發現又唔會話太多朱古力味好厭，反而覺得食完暖暖地嘅朱古力心太軟，再食返啲凍嘅朱古力味雪糕，個對比幾得意～🤍焦糖燉蛋（$58）呢款焦糖燉蛋嘅蛋香味好重而且好
之前食過佢哋嘅姊妹餐廳 @minifridayhk 已經好幾次，次次經過見到隔離嘅呢間日本野都好想試吓，今日終於有機會!
🤍日式照燒雞扒定食（$128）
次次食呢啲定食嘅時候都好怕唔夠餸飯，不過今次呢塊雞扒又算幾大塊，而且亦都燒得幾入味，最欣賞嘅係佢哋嘅燒汁係可以自己落，可以根據個人喜好落返適合自己份量嘅燒汁，同時又可以確保食嘅時候雞扒上面嘅燒汁唔會已經流晒落啲飯到
🤍和風雜海鮮炒烏冬（$158）
呢個烏冬炒得好香，唔算乾身，有啲汁係底，所以味道絕對足夠。海鮮嘅份量亦都適中，有蝦、魷魚、蜆肉等等，同時佢都有適量嘅菜同瓜，材料十分豐富
🤍玉子壽司（$18）
🤍蟹棒壽司（$18）
對於唔太想食生冷嘢，但係又嚟到日本餐廳想點都試啲日本嘢嘅我哋，就嗌咗呢兩款壽司，蟹棒同玉子嘅大小適中，而且味道亦不過不失
🤍心太軟雪糕（$68）
平時通常食心太軟雪糕都係配雲呢拿，今次係配朱古力雪糕覺得有少少特別，不過食落發現又唔會話太多朱古力味好厭，反而覺得食完暖暖地嘅朱古力心太軟，再食返啲凍嘅朱古力味雪糕，個對比幾得意～
🤍焦糖燉蛋（$58）
呢款焦糖燉蛋嘅蛋香味好重而且好滑，食落亦都唔算太甜。而我亦好鍾意面頭嗰層焦糖脆皮，甜甜哋又帶有少少焦香味十分吸引！
💰人均消費：約$250
📍旺角西洋菜南街2A號銀城廣場9樓
张贴
