三上日本料理 (已結業)

去深水埗電腦商場行吓買吓野，順便喺附近搵食。見呢間唔錯，感覺正宗日式feel.壽司拼盤🍱壽司種類多元化，魚生新鮮，配以醬油同日式芥辣食更帶出每種壽司魚生的鮮味。但可能製作時飯太熱，令紫菜變淋了一點，拼盤兩個人食，份量恰到好處，整體ok! 芝麻雞翼🍗香脆可口，皮脆肉嫩，肉汁豐富且入味，食落口感豐富。雞翼表面嘅芝麻帶出淡淡芝麻香味，無論雞翼溫度、口感、脆香程度都值好高評價。蕃茄濃湯叉燒烏冬🥘湯底味道濃郁，充滿茄味，甜甜酸酸。而且好足料，叉燒肥瘦均勻，恰到好處，好有飽肚感。配以石鍋上，令人有一種垂涎欲滴嘅感覺！