八木橋日式燒肉

营业中

休息中

諗諗吓對上一次食燒肉已經係疫情前喺日本熊本嘅事，今日朋友帶我嚟食呢間喺旺中隔離嘅T.O.P.商場嘅八木橋燒肉，真係好有驚喜。佢總共有四款放題可以選擇，當然價錢越高，可以選擇嘅食物就越多。我同朋友揀咗霞，頭盤可以有M5和牛西冷、鮑魚、雞泡魚乾同埋五色刺身盛。刺身有三文魚、希靈魚、鯛魚、帶子、蝦等等，賣相都幾靚，食得出好新鮮。個人特別鍾意佢嘅鯛魚，食落好爽口。後尾都追加左幾次刺身，次次都係新鮮嘅。佢嘅牛肉選擇都算幾多，除咗頭盤嘅M5和牛西冷，仲有特別少少嘅醬油牛肋肉，同埋肩脊肉、牛舌同埋牛板腱等，全部都好新鮮。M5和牛西冷肥瘦均勻，食落有好香嘅牛肉味。醬油牛肋肉嘅筋比較多，入口比較濃味，好有咬口。豬肉同埋雞肉都係必食。個人好鍾意米澤三元豚肉，細細塊咁，可以一口一件。雞肉嘅話，個人就好鍾意佢嘅Mozzarella芝士雞腿肉。首先整溶左佢啲芝士，再燒熟啲雞肉，最後加上芝士嚟拉絲，真係好好味。海鮮類有鮑魚、比目魚西京燒、鯖魚、虎蝦、牛油帆立貝等等。鮑魚都幾大隻，跟足佢嘅指示燒嘅話，真係好爽口彈牙，真係好食過日本餐廳嘅磯燒鮑魚。比目魚西京燒同鯖魚都好新鮮，食落唔會好腥。雞泡魚乾燒到變透明之後就可以