稻八日式火鍋炸物放題 (已結業)

抵食火鍋放題任食嘅日式火鍋係香港愈開愈多，間間都係主打食牛，但係講真好多質素都係好一般。今日黎到喱間，都幾有特色，除左一般嘅牛肉，仲有得選擇和牛，另外仲有炸物放題、海鮮盛盒等等，你都咪話唔豐富。無食最貴嘅黑毛和牛套餐，食左低一個grade嘅澳洲和牛。首先緊係要評下佢啲牛肉啦，澳洲和牛無日本黑毛和牛咁肥，反而俾我感覺無咁油膩，罪惡感無咁重😂。食食落牛味濃，肉質爽嫩，幾高質喎🤔。除左牛肉、豚肉、雞肉同海鮮，場內嘅自助區仲有幾十種配料可以拎，有唔同嘅丸、蔬菜、麵食等等，仲有得自助拎沙律同日式前菜。另外一大賣點就係佢嘅自助炸物區。有各樣哪食材，例如係日本蕃薯仔、蝦、菇菇、丸同腸仔等。自己加埋粉漿同麵包糠，炸到金黃色就食得，都幾過癮嫁。