宏 (已搬遷) 新店位置

一直行過the one 都比呢間餐廳既甜品吸引住，賣相好靚，聽講抹茶甜品一流。今日係尖沙咀放工，決定約埋好姊妹係呢間餐廳食飯！我叫咗個日本燒鯖魚飯套餐，燒鯖魚一大條上，正！食落去味道都唔錯，唔算太乾身，有口感。佢仲配埋烏冬同埋沙律比我，真係好抵食！烏冬係讚岐烏冬，幼身又煙韌。好姊妹叫咗個迷你三彩丼定食，黎到真係好豐富，有免治吞拿魚飯刺身飯，食落好香。鰻魚飯都有一大碗，絕對夠食；再加埋個烏冬，佢真係飽到上心口。我地兩個人又點會滿足於個飯餐呢，當然叫埋佢啲特色甜品！日本宇治抹茶軟雪糕芭菲抹茶味算幾好，帶點creamy, 唔係果啲好苦既抹茶味，應該係因為有奶香。日本北海道牛奶軟雪糕芭菲非常幼滑的雪糕，配上煙韌既mochi，大滿足。