影片
更多
2020-10-05
35 浏览
#銅鑼灣美食🔻 漁港薈銅鑼灣軒尼詩道525號澳門逸園中心3樓/////最近銅鑼灣新開左一間粵菜，入面主打蒸鍋同埋小菜，見到新開張有七折，二人餐好豐富，即刻狗衝去試。/🧃鮑魚蟲草花燉雞腳燉湯好清，好鮮甜，入面啲料好足，有雞腳、蟲草花、乾瑤柱等等，感覺好滋補。/🧃生猛龍蝦唔係講笑，隻龍蝦上枱嘅時候超新鮮，啲觸蘇仲fing下fing下，店員好細心咁幫我地放上蒸鍋，完全唔需要我哋操心計時，一掀蓋，龍蝦色水靚到不得之了😍最緊要係佢好厚肉好彈牙，連龍蝦鉗都啖啖肉，唔使點豉油汁已經夠鮮甜。/🧃韓國大鮑魚、蘇格蘭蟶子王、紐西蘭大帶子之後嚟咗一個海鮮拼盤，聖子爽口彈牙、鮮甜。帶子大大粒，好新鮮。鮑魚蒸嘅時間掌握得啱啱好，彈牙得嚟腍身，整體食材好新鮮，所以就咁蒸已經好好味。/🧃法國多寶魚嗰度係成條多寶魚，蒸左四至五分鐘左右，店員就叫小妹快啲夾起，費事熟得滯，結果果然啱啱好熟，魚肉超滑！/🧃安格斯手切肥牛雪花均勻，好有牛味。/🧃紅燒乳鴿小妹去酒樓食飯有時都會忍唔住叫隻乳鴿過口癮，呢間餐廳就知道客人心思，包埋隻乳鴿，外皮燒到好脆，鴿肉就好嫩滑。/🧃海膽炒飯飯粒分明，夠乾身，鑊氣十足，啖啖都有海膽味。/🧃鮑魚綠
🔻 漁港薈
銅鑼灣軒尼詩道525號澳門逸園中心3樓
/////
最近銅鑼灣新開左一間粵菜，入面主打蒸鍋同埋小菜，見到新開張有七折，二人餐好豐富，即刻狗衝去試。
/
🧃鮑魚蟲草花燉雞腳
燉湯好清，好鮮甜，入面啲料好足，有雞腳、蟲草花、乾瑤柱等等，感覺好滋補。
/
🧃生猛龍蝦
唔係講笑，隻龍蝦上枱嘅時候超新鮮，啲觸蘇仲fing下fing下，店員好細心咁幫我地放上蒸鍋，完全唔需要我哋操心計時，一掀蓋，龍蝦色水靚到不得之了😍最緊要係佢好厚肉好彈牙，連龍蝦鉗都啖啖肉，唔使點豉油汁已經夠鮮甜。
/
🧃韓國大鮑魚、蘇格蘭蟶子王、紐西蘭大帶子
之後嚟咗一個海鮮拼盤，聖子爽口彈牙、鮮甜。帶子大大粒，好新鮮。鮑魚蒸嘅時間掌握得啱啱好，彈牙得嚟腍身，整體食材好新鮮，所以就咁蒸已經好好味。
/
🧃法國多寶魚
嗰度係成條多寶魚，蒸左四至五分鐘左右，店員就叫小妹快啲夾起，費事熟得滯，結果果然啱啱好熟，魚肉超滑！
/
🧃安格斯手切肥牛
雪花均勻，好有牛味。
/
🧃紅燒乳鴿
小妹去酒樓食飯有時都會忍唔住叫隻乳鴿過口癮，呢間餐廳就知道客人心思，包埋隻乳鴿，外皮燒到好脆，鴿肉就好嫩滑。
/
🧃海膽炒飯
飯粒分明，夠乾身，鑊氣十足，啖啖都有海膽味。
/
🧃鮑魚綠豆沙
最後呢個甜品令小妹好驚喜，第一次食綠豆沙係有鮑魚😱上網research, 原來係塔門獨門美食😳鮑魚多得滯唔想嘥，於是煮糖水，唔係取其味道，係取其煙韌嘅口感。望落怪怪地，食落又出奇地夾。😂
/////
味道:⭐️⭐️⭐️⭐️⭐️
賣相:⭐️⭐️⭐️⭐️⭐️
價錢:⭐️⭐️⭐️⭐️⭐️
環境:⭐️⭐️⭐️⭐️⭐️
/
#food #foodie #hkfood #hkfoodie #foodporn #foodstagram #fishingharborseafoodrestaurant #hkfoodblogger #foodblogger #foodlover #foodphotography #hkig #銅鑼灣
张贴
