瀛豐放題料理專門店 (已搬遷) 新店位置

今日搵到呢間瀛豐放題料理專門店， 二百零蚊可以任食日式同埋泰式放題，加138蚊仲有海膽帶子， 生蠔同埋啤酒任飲🤩 生蠔，帶子同海膽質素幾好，唔使問一定加錢試下啦😆🌟刺身船一坐低餐廳已經幫你安排一份，分量同款式都好足， 全部都好新鮮， 油甘魚同三文魚好肥美， 個珍寶赤蝦真係好大隻， 好滿足🫶🏻🌟生蠔法國皇家生蠔， 生蠔size好大，我相信係0或1號，最重要係隻隻都飽滿新鮮， 相當唔錯，一定要再叫呀😆🌟海膽帶子呢個組合又幾正， 帶子size唔細，解凍得幾好， 海膽都唔會出曬水，食得到鮮味，又係重點出擊項目😆日式嘅食物仲有天婦羅，壽司等等都唔錯👍 泰式方面選擇更多， 我最鍾意係炒蜆，炒菜，鑊氣十足。 另外泰式生蝦，豬頸肉，串燒，燒扇貝等都幾正👍由於餐廳生意好，我發現有少少漏單嘅情況，但但唔算嚴重😆 餐廳職員都好幫手，同佢講返都好快更正返👍👍 大家如果經過銅鑼灣食嘢，又想食生蠔刺身嘅話呢個價錢絕對可以考慮🫶🏻