大滿喜日本料理 (已結業)

今日係朋友生日，所以就諗住揀間放題興生～朋友一揀再揀，最終決定食大滿喜💕環境方面，大滿喜既座位都相當闊落，而且裝修得都幾靚，比人舒服同乾淨既感覺。員工非常有禮貌，一到步佢就好快咁幫我地安排好座位，值得一讚係上菜好快，服務質素好好。咁我地一坐低當然係叫左刺身啦，刺身好新鮮，無論係魚類定貝類，質素都幾好。我地本身諗住一盤就夠，都忍唔住再加多盤呢～而壽司方面，壽司配搭出色，而且最重要最重要係飯唔會太大舊（否則就飽到食唔落其他野了）所以我地都試到唔同款式💜另外想一讚佢既海膽手卷，食落好鮮甜下，我地都忍唔住要再去加單～熟食方面，除左串燒同炸物之外都仲有好多選擇～有鍋啊、湯啊、羊肉同牛柳等等。覺得佢比其他放題更加多選擇！☺️仲想讚一讚佢既天婦羅，因為食落粉唔會算太厚，同埋唔多油。好多放題餐廳都會做到好厚粉好多油🙈 仲有串燒蝦都好好食，蝦肉彈牙，而且幾大隻！黎到甜品自助區，樣樣望落都好吸引～食埋個甜品就非常滿足～飽曬總既黎講，呢間放題質素算幾高，而且唔算貴，都係$200鬆少少，大家可以收藏，有機會試一試啦～