大瀛喜日本料理 (已結業)

今日同朋友出咗旺角本來想食壽司，但係諗黎諗去都唔知食邊間好，最後就決定咗食放題就去咗大瀛喜啦。其實我之前已經食過，今次去食就覺得水準都仲keep到幾好，刺身嘅種類仲多咗好多，飲品亦都好多選擇，有清酒🍶任飲又有樽裝水任拎，仲有個暖櫃裝麥精維他奶，又有得自己沖玄米茶。而甜品呢就轉左係自助形式可以自己出去拎。甜品都好多款，有乳酪，百福豆腐花，雪糕，雪米糍，雪條。其他刺熱食炸物串燒窩物嗰啲呢都keep到水準👍🏻值得一讚嘅就係所有侍應手腳都好快，就算漏單都好快補返嘢食。唯一唔好就係座位有d窄，唔係咁好坐。但係星期六，八點鐘嘅時段任食兩個鐘都係$238加一，分分鐘平過食就咁食壽司😝