日牛涮涮鍋專門店 (已結業)

第一次黎到位於荷里活廣場既日牛涮涮鍋專門店，門口見到餐牌後發現有好多選擇，肉有唔同既組合，亦都可以揀任食或者唔任食，如果肉唔揀任食，就只會有一碟，另外放題吧到既食物及飲品都係任食任飲，有汽水，咖啡，菜，菇，腸同埋丸等等。湯底有5個選擇，我地2位都揀左唔同既，有昆布清湯同埋蕃茄湯。昆布清湯味道比較淡，有D似水咁。蕃茄湯都幾濃蕃茄味，唔錯。另外叫左一碟豚肉+ 雞肉，一碟雞肉 + 牛肉，肉切得好薄，加埋每人都係得4-5片咁，肥膏又比較多，不過味道幾鮮甜。肉既份量雖然少，但係因為有無限量既丸，菜同埋菇供應，都夠食架啦。丸好彈牙，菜同菇都好衛生同新鮮，汽水咖啡仲係任飲，所以其實都夠架啦。食飽之後仲可以嘆返杯Frozen Yoghurt，甜甜地之餘仲有好多唔同既配料，咁既價錢，真係算超值架啦。