八幡屋日本料理 (已結業)

同家姐兩人第一次來這間食放題，可能時間還早，所以在場的人比較少，我們可以慢慢食，享受每樣美食。我地加左50蚊做升級，因為升級後可以品嚐埋生豪，大大粒帶子等，但加左50蚊後 ，每人收費都係200蚊左右，所以都算抵。佢啲甜蝦好甜好新鮮，又大隻，最緊要係冇果陣腥味，點少少醬油就夠，真係好正，另外佢啲三文魚刺生都好好食，有陣魚油既香，佢地又切到厚又大件，所以食完第一輪之後都覺得好夠，帶子又肥又厚，食落夠新鮮，無雪味，佢啲生豪就一般，但一分錢一分貨，我明。當日佢地仲送左兩件鵝肝多士比我地，都真係好開心吓，不過兩個人去食真係食得唔多，但重點要叫既野都有叫齊來品嚐，串燒唔會燒得好乾身，都不錯，甜品就少啲款式，無什麼特別。到左6：30後人就開始多起來，而落單的食物也變左好耐都未到，所以建議大家可以早少少來食，品質會好好多