番本日式放題 (已結業)

同老友聚舊，最好搵間坐得耐傾到計嘅地方，放題通常係我嘅首選，既可傾餐飽唔怕俾人趕，又可以慢慢點慢慢食。今次放題友人揀呢間，又真係抵食夾大件喎！平日八點半人均$200幾蚊，放題黎講算好平，但食物多元化質素都唔錯！刺身絕對係首選，甜蝦屬中等size, 郤超新鮮超甜，我一個都食左成打。仲有帶子超厚身，希靈魚，三文魚、赤貝、象拔蚌...全部都好新鮮，基本上第一round我地已經回本跟住黎前菜同壽司，前菜質素超水準，試左蟹子沙律，八爪魚同螺肉，調味調得好！壽司配搭味道剛好，虎蝦壽司、火炙三文魚壽司好味，重要件飯細細件，唔怕食兩件就飽。燒物係另一亮點，燒雞翼好味，脆邊肉嫩。燒菠蘿同燒脆肉瓜都燒很剛剛好。呢個放題竟然有蒸氣火鍋，平時出街食蒸氣火鍋，兩個人計都要成千蚊落樓，呢度竟然有得食！老實說，我都係第一次食放題有蒸氣火鍋肥牛脂肪比例一流，用蒸氣蒸熟口感特別嫩滑！金菇，娃娃菜咁樣煮法特別好味道。總括，兩個人埋單四百幾蚊係超值！服務周到收碟快，無漏單，真心唔錯！