影片
更多
2023-09-15
22 浏览
純撐小店 - ep.17 小魚兒咁岩係尖咀買野，之後諗住食川菜，搵搵下見到小魚兒個雞煲好似幾吸引，所以就試下呢間小店。一開始諗住Lunch時間邊有人上黎食烤魚或者雞煲，點知都已經9成滿，咁令我對佢更加有信心。<重慶人氣雞煲 (半隻)> 首先坐底就叫左雞煲先，順便加埋個寬粉。雞煲上枱後已經好香，咁等佢煲滾焗好後開蓋，香味連埋芫茜蔥更加惹味。雖然我地只係叫半隻，但份量都好足，雞件粗略估計都有十幾舊，仲要好多舊都啖啖肉。雞煲醬夠濃稠，令到雞同配料可以掛到汁。食完就加埋雞湯再煮寬粉，呢度的寬粉都真係幾大塊同埋吸晒精華，居然比開頭食雞煲時更麻更辣，鐘意食辣會幾過癮。<蒜香炸雞翼‧川式手拍青瓜>之後發現Lunch都有特價飯麵同小食，所以就叫左蒜香炸雞翼同埋川式手拍青瓜，價錢分別只係$23同埋$18。蒜香炸雞翼真心有驚喜，皮夠脆，入晒味，但最驚喜係雞肉好Juicy，證明炸的時間拿捏得好好。而後者份量超多，仲要幫你批埋皮，呢個價錢真係無得挑剔。<蒜香牛油燒扇貝>小魚兒除左烤魚同雞煲外，呢度的小食其實都好吸引，今日就叫左蒜香牛油燒扇貝，2隻扇貝都只係$38
咁岩係尖咀買野，之後諗住食川菜，搵搵下見到小魚兒個雞煲好似幾吸引，所以就試下呢間小店。一開始諗住Lunch時間邊有人上黎食烤魚或者雞煲，點知都已經9成滿，咁令我對佢更加有信心。
<重慶人氣雞煲 (半隻)> 首先坐底就叫左雞煲先，順便加埋個寬粉。雞煲上枱後已經好香，咁等佢煲滾焗好後開蓋，香味連埋芫茜蔥更加惹味。雖然我地只係叫半隻，但份量都好足，雞件粗略估計都有十幾舊，仲要好多舊都啖啖肉。雞煲醬夠濃稠，令到雞同配料可以掛到汁。食完就加埋雞湯再煮寬粉，呢度的寬粉都真係幾大塊同埋吸晒精華，居然比開頭食雞煲時更麻更辣，鐘意食辣會幾過癮。
<蒜香炸雞翼‧川式手拍青瓜>
之後發現Lunch都有特價飯麵同小食，所以就叫左蒜香炸雞翼同埋川式手拍青瓜，價錢分別只係$23同埋$18。蒜香炸雞翼真心有驚喜，皮夠脆，入晒味，但最驚喜係雞肉好Juicy，證明炸的時間拿捏得好好。而後者份量超多，仲要幫你批埋皮，呢個價錢真係無得挑剔。
<蒜香牛油燒扇貝>小魚兒除左烤魚同雞煲外，呢度的小食其實都好吸引，今日就叫左蒜香牛油燒扇貝，2隻扇貝都只係$38，一開始會以為咁平應該好細隻，點知上枱後見到Size唔細，而蒜蓉份量好足，牛油味亦好香濃，整體質素唔錯。
<烤蕉糖菠蘿‧榴槤波波‧炸鮮奶>而甜品就叫左烤蕉糖菠蘿、榴槤波波同埋炸鮮奶。烤蕉糖菠蘿擺盤就已經夠吸睛，每舊菠蘿都俾焦糖包住，夠晒甜。榴槤波波對於我係榴槤控黎講真係恩物，個榴槤餡仲要係流心，炸得都夠脆。最後呢度的炸鮮奶都好出名，佢個皮係近似炸麵包皮，所以特別鬆脆，同埋夠晒熱辣辣，另外亦帶淡淡芝麻香。
整體食物質素都好，性價比亦都好，尤其係Lunch小食同埋蒜香牛油燒扇貝。雞煲份量夠足啖啖肉，同埋個醬汁都調較得好好。
张贴
