影片
更多
2021-11-08
100 浏览
好耐冇食酸菜魚，喺旺角行完街就去搵嚟食，最後揀咗呢間幾抵食嘅川菜館。.🐟 冷鍋酸菜魚 $188(Regular)冷鍋魚同其他火鍋最大不同就係魚鍋一上枱就食得，唔使再加熱！酸菜魚可以自選辣度或走辣，湯底除咗辣椒花椒等香料外，仲洒上菊花瓣點綴。揀左BB辣，味道以酸香為主，重麻輕辣口感溫潤，濃香而不膩。魚片厚薄適中，嫩滑富彈性，肉質不易散。配菜除咗大量酸菜，仲有寬粉、芽菜及金菇，份量幾足，仲可以加點火鍋配料打邊爐！.👅 夫妻肺片 $58主要食材有牛舌、牛𦟌及牛肚，再配上青瓜絲及花生粒，亦都可以自選辣度或走辣。牛舌軟腍，牛𦟌有嚼勁，牛肚爽彈，滷得幾入味，再以香料及辣油調味，味道麻辣辛香，惹味十足！.🦑 炸墨魚餅 $55炸墨魚餅色澤金黄，香口唔油膩，入口彈牙有墨魚質感，唔會覺得溝左好多粉，配上泰式甜辣醬，完美配搭！.🍯 黑糖糍粑 $30(細)糍粑外面煎到脆脆地，內裡煙韌軟糯，口感似年糕而帶少少顆粒感。表面洒上黄豆粉再蘸黑糖食，香甜可口。.🍹 荔枝沙冰 $38甜度適中，解渴解辣。.總括而言：旺角食川菜嘅選擇都唔少，而呢間餐廳菜式味道唔錯，份量足，性價比高。除咗必食酸菜魚，另外仲有火鍋、雞煲、麻辣香
.
🐟 冷鍋酸菜魚 $188(Regular)
冷鍋魚同其他火鍋最大不同就係魚鍋一上枱就食得，唔使再加熱！酸菜魚可以自選辣度或走辣，湯底除咗辣椒花椒等香料外，仲洒上菊花瓣點綴。揀左BB辣，味道以酸香為主，重麻輕辣口感溫潤，濃香而不膩。魚片厚薄適中，嫩滑富彈性，肉質不易散。配菜除咗大量酸菜，仲有寬粉、芽菜及金菇，份量幾足，仲可以加點火鍋配料打邊爐！
.
👅 夫妻肺片 $58主要食材有牛舌、牛𦟌及牛肚，再配上青瓜絲及花生粒，亦都可以自選辣度或走辣。牛舌軟腍，牛𦟌有嚼勁，牛肚爽彈，滷得幾入味，再以香料及辣油調味，味道麻辣辛香，惹味十足！
.
🦑 炸墨魚餅 $55
炸墨魚餅色澤金黄，香口唔油膩，入口彈牙有墨魚質感，唔會覺得溝左好多粉，配上泰式甜辣醬，完美配搭！
.
🍯 黑糖糍粑 $30(細)
糍粑外面煎到脆脆地，內裡煙韌軟糯，口感似年糕而帶少少顆粒感。表面洒上黄豆粉再蘸黑糖食，香甜可口。
.
🍹 荔枝沙冰 $38
甜度適中，解渴解辣。
.
總括而言：旺角食川菜嘅選擇都唔少，而呢間餐廳菜式味道唔錯，份量足，性價比高。除咗必食酸菜魚，另外仲有火鍋、雞煲、麻辣香鍋、川味小炒、涼菜小食等等，食川菜有多一個好選擇！
张贴
