影片
更多
2019-07-27
367 浏览
生日臨近，又係一個好好既籍口可以約d耐無見既朋友食飯。同一班大食怪食飯，最好就係去食buffet，環境舒適得黎又可以不停咁食。早幾日上網見到呢間酒店buffet做緊promotion, $300一個人，心諗會唔會伏架，點知估唔到真係超想像，真係好抵食！酒店環境舒適，座位之間距離夠闊，方便傾計。另外服務態度一流，侍應全部都笑臉近人，呢樣好重要，會食得好自在好開心。食物方面就真係無得頂，款式比我想像中多，簡單介紹幾款我不停咁食既野。首先生蠔有兩款，一款海水味重d，一款肥美juicy d，兩款都好新鮮，仲要係全部，即開，非常好味，我起碼食左一打！另一個無得彈既係燒帶子，超大粒，燒完都無縮水，仲要勁彈牙又juicy，呢個我又係食左勁多！另外個羊架又係好出色，燒得好香，啖啖都係肉，好juicy呀。刺身就主要有4款，三文魚，油甘魚，吞拿魚同埋有個好特別既章紅魚，全部都好新鮮呀。另外刺身類仲有帶子配生蝦，隻蝦真係好大食好新鮮，帶子都好肥美。松葉蟹腳又係好正，勁大隻啖啖肉。另外其實最吸引我食呢個buffet係因為佢今次主題叫Fruity Summer，有我最愛既生果芒果做既唔同甜品，我真係全部都試哂🤤
酒店環境舒適，座位之間距離夠闊，方便傾計。另外服務態度一流，侍應全部都笑臉近人，呢樣好重要，會食得好自在好開心。食物方面就真係無得頂，款式比我想像中多，簡單介紹幾款我不停咁食既野。
首先生蠔有兩款，一款海水味重d，一款肥美juicy d，兩款都好新鮮，仲要係全部，即開，非常好味，我起碼食左一打！
另一個無得彈既係燒帶子，超大粒，燒完都無縮水，仲要勁彈牙又juicy，呢個我又係食左勁多！
另外個羊架又係好出色，燒得好香，啖啖都係肉，好juicy呀。
刺身就主要有4款，三文魚，油甘魚，吞拿魚同埋有個好特別既章紅魚，全部都好新鮮呀。
另外刺身類仲有帶子配生蝦，隻蝦真係好大食好新鮮，帶子都好肥美。
松葉蟹腳又係好正，勁大隻啖啖肉。
另外其實最吸引我食呢個buffet係因為佢今次主題叫Fruity Summer，有我最愛既生果芒果做既唔同甜品，我真係全部都試哂🤤，芒果全部都好甜好正呀，食得好開心。
最後要講既，梗係movenpick雪糕啦，呢個又係我既最愛，起碼食左3杯😂。好耐都試過食飯食得咁開心，覺得咁抵架！
张贴
