不二江湖菜

营业中

休息中

約咗同事睇話劇，之前梗係要搵地方醫肚啦！！登龍街成條街都係食肆，求其入一間都得～今日揀咗呢間川菜館，可以講抵食夾大件！！先嚟個酸菜魚～百零蚊一大盤，上枱直頭嚇咗一跳！😱！啲魚片滑都不得了～酸菜勁多，仲有萵筍、雞髀菇～驚唔夠飽仲可以加寬粉！🥰叫咗個辣辣蝦又係一大個香鍋啲蝦都唔細隻炸到卜卜脆，辣辣地好香口～好惹味！🥰！食到雪雪聲，但係又停唔到口！😅😜涼菜選擇都幾多，我哋揀咗爽滑魚皮，估唔到份量都唔少，魚皮好爽脆，個汁調得幾好食！佢全部餸都可以揀辣度，我哋全部都揀小辣，但係其實都幾辣，真係正宗川菜師傅！飲品估唔到有鴨屎香檸檬茶，茶底都幾香，仲有龍鳳檸，配辣嘢啱啱好，又係回味嘅一餐！！