九州鯛魚 (已結業)

上次新開食過一次，今日陪朋友再去食，我覺得好大份相當抵食。 吉列海老定食 $88定食好豐富，鯛魚湯熱辣辣鮮甜雪白，溫泉蛋用左日本蛋，蛋味十分濃郁，煮得剛剛好，好滑，沙律新鮮配左胡麻醬酸酸甜甜開胃，黎到主角吉列海老，四條大大條好飽滿，炸粉好薄唔會食到成口粉，海老爽口彈牙，蝦味濃郁。江户豚肉鯛魚湯烏冬$88好大件豬扒啊！啖啖肉，炸完唔會太油膩，鯛魚湯配烏冬真係無敵，烏冬彈牙煙靭。元祖彈珠汽水 $20好耐無飲過呢個波子汽水，汽水全日本直送嫁，係回憶啊！